KQZ ka një lajm të mirë për kandidatët për kryetar dhe për Kuvende Komunale

14:03 | 24 Tetor 2017
Arbresh.info

Kryetarja e KQZ-së, Valdete Daka ka thënë sot se KQZ do të filloj së shpejti me publikimin e kopjeve të skanimit të formularëve të Rezultateve për kandidatë dhe formularëve të Rezultateve Përfundimtare.

Sipas saj, secili kandidat do të mund t’i shohë rezultatet e secilit vendvotim në mënyrë elektronike, shkruan arbresh.info.

“Komisioni Qendror i Zgjedhjeve do të fillojë së shpejti me publikimin e të gjitha kopjeve të skanimit të Formularëve të Rezultateve për Kandidatët dhe Formularëve të Rezultateve Përfundimtare. Pra, të gjithë kandidatët, qofshin në garë për Kryetar Komune apo për Kuvende Komunale do të mund të shohin rezultatet e tyre për secilin Vendvotim duke shfletuar në mënyrë elektronike kopjet e këtyre formularëve të cilët kanë ardhur nga Vendvotimet”, është shprehur Daka.

Ajo ka thënë se ky është një avancim i mëtejshëm i Komisionit Qendror të Zgjedhjeve, çka konsiderojmë se i shton vlerën dhe besueshmërinë procesit zgjedhor. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm